Malittarisassat
Nuummi Kollegia Aappaluttumut GUX Nuummut tikilluarit.
Malittarissat uku kollegia aappaluttumut tamarmut aamma Børnehjemsvejimi kollegiamut atuuppoq.
Kollegiami inuunermut malittarisassat
Aallaqqaasiut
Kikkut tamarmik uagutsinni najugaqarusuttut malittarisassat uani nassuiarneqartut akueralugillu malissavaat.
Nuummi GUX-ip kollegiaani sulissutigilluarparput kollegiami ineqartunut atuartuutitsinnut ullup sapinngisamik namminneq ilaquttaminni angerlarsimaffimminnisut ingerlasarnissaa. Kisianni aammattaaq sillimaffigisariaqarpoq namminersorluinnartuulluni najugaqartuuneq, ingammik inuusuttut 18-it inorlugit ukiullit, tassami ulloq unnuarlu nakkutilliisoqartanngimmat, atuartulli namminneq akisussaaffigaat ullaakkut makittarnissaq. Immikkut pisoqartillugu piffissami sivikitsuinnarmi ullaakkut itersartinnissamut ikiuisoqarsinnaavoq, kisianni tamanna pisussaannartut isigineqassanngilaq, tassalu tamanna taamaallaat piffissami sivikitsuinnarmi atuuttarluni.
Kollegia pigaartunut telefoneqartitsivoq. (takuuk matutta eqqaanniittoq skema), kisianni aammattaaq Matu-mi pigaartuusartoqarfiup tlf.normua 349999, tassani pigaartuusut suliffiup nalinginnaasup avataatigut marloriarluni misissuiartortarlutik sianerfigineqarsinnaallutilluttaaq matuersaat katassimagaanni isersinnaananilu, imaluunniit naleqqutinngitsumik nipiliortoqarnerani toqqissisimanngikkaanni imaluunniit piffissap suliffiusup avataani aamma sapaatit akunnerisa naaneranni toqqissisimananngitsumik pissusilersortoqarnerani.
Kisianni imminnut taamak qanitsigaluni inuuneqarneq tamanit annertuumik piumasaqaatitaqarpoq. Pingaartorujussuuvoq uagut tamatta ataatsimoornitsinni ataatsimut killissarititaasut tamatsinnut maani atuuttut naapertorlugit immitsinnut akueralutillu ataqqinissaat. Taavalu ikioqatigiinneq najugaqarnermi atuuttoq, soorlu pisatanik nutserinermi ikiuunneq, aammalu apummik nivannerit, aasakkullu silataata kusanartuutinnissaa, minnerungitsumillu ataatsimoorfiusuni torsuusani (gang-ini) asaanerit, taakkulu torsuusaqarfikkaarlugit skemaqarput.
Atuartuutivut tamarmik kollegiami najugaqarnerminni nuannersumik atugaqarnissaat kissaatigaarput!
Kollegiaativut ukuupput
Atuarfimmi namminermi: Kollegia Aappaluttoq – tassani najugaqarput atuartut 90- 100-t. Kollegia Aappaluttoq atuartunit 18-it inorlugit ukiulinnut naatsorsuussaaneruvoq. 1. G.-mi atuartut tamangajammik tassani najugaqarlutik aallartittarput. Kollegia Aappalaartumi ikittunnguanik inissiaqarpoq anaananut, GUX-imi atuartunut, kisimiittunut qitornalinnut naatsorsuussaasunik.
Atuarfiup avataani kollegia: Kollegiaaterput avataaniittoq ilaqutariinnut naatsorsuussaavoq, ataatsimik qitornalinnut atuartuut naatsorsuussaalluni.
- Børnehjemsvej 5. Katillugit tallimanik initaqartumik atuartunut ataatsimik qitornalinnut.
Kollegiaatitsinnut isumaginninnermik ilinniagaqartunik sulisunik sisamanik atorfeqartitsivugut, taakku ulluunerani aamma ilaannikkut unnukkut sulisarput. (Takuuk pigaartuusartunut skema matutsinniittoq). Piffissap avataatigut ikiuisoqarnissaanik pisariaqartitsisoqalissagaluarput kollegiami atuartut allanik periarfissaqarput ikiortissarsiornissaminnut.
MATU security (kollegiap ammasarfiisa avataatigut): 32 39 39.
Kollegiap pigaartuusarnermut telefonia (skemalersugaq): 52 24 07.
Tamatuma saniatigut atuarfiup rektoria (Hanne Larsen) tamatigut telefonnormumi uani attaveqarfigineqarsinnaasarpoq: 22 60 55.
Atorfilittavut suliffiup nalinginnaasup avataatigut attaveqarfigineqarsinnaapput.
Ole Christian Fritsen (OC), tlf. 58 57 98. Kollegiami pedeli, atuarfiup avataani kollegiami, kiisalu qanoq atugaqarneq pillugu oqaloqatiginninnerit.
Suleqaterput nutaaq tlf. 49 39 49. Qanoq atugaqarneq pillugu oqaloqatiginninnerit aamma ingerlatat pillugit.
Arkalo Skifte tlf. 48 25 19. Torsuusami akisussaasuusoq, qanoq atugaqarneq pillugu oqaloqatiginninnerit.
Angajoqqaat aamma allat qanitarisat tamatigut atorfilik attaveqarfigisinnaasassavaat – imaluunniit GUX-Nuummi allaffik arlaannik pisoqariataartoqartillugu. Atuarfiup allaffia atuarfiup ammasarfiini attaveqarfigineqarsinnaavoq tlf.: 36 33 80. Atuarfiup rektoria tamatigut attaveqarfigineqarsinnaasarpoq: 22 60 55. Ulloq unnuarlu
Mianersoqqussutit / kinguneqartitsinerit
Avoqqaarliuteqartoqassaaq atuartoq atuarfiup/kollegiap malittarisassaanik unioqqutitsippat imaluunniit atuartut pisussaaffitik isumaginngippatigik (ilaatigut eqqiaaneq imaluunniit skema malillugu igaffimmi suliassat), aamma rektorip nalilerpagu pissusilersorneq arlaannik iliuuseqarfigisariaqartoq. Pissusilersorneq taamaatinneqanngippat rektorip nalilersinnaavaa mianersoqqussummik kinguneqarsinnaanersoq. Arlaleriarluni unioqqutitsinerit imaluunniit sakkortuunik unioqqutitsinerit ingerlaannartumik atuutilersumik atuarfimmit anisitaasoqarsinnaavoq. Unioqqutitsineq ima sakkortutigisinnaavoq atuartoq ingerlaannartumik atuutilersumik atuarfimmit anisitaasinnaalluni (soorlu assersuutigalugu aanngajaarniutitortoqartillugu imaluunniit aanngajaarniutinik imaluunniit imigassamik tuniniaasoqartillugu.)
Imigassaq
Imigassartorneq sunaluunniit kollegiani ineqarfiusuni tamani inerteqqutaalluinnarpoq. Kollegiani imigassartoraanni siullermik allakkatigut mianersoqqussummik tunniussisoqassaaq, kisianni aammattaaq ingerlaannartumik atuutilersumik anisitsisisoqarsinnaavoq, kiisalu taamaalioqqittoqarpat tamatuma kingunerissavaa ingerlaannartumik anisitaaneq.
Ikuallattoqarpat
Ikuallattoqartillugu ingerlaannartumik nillianikkut kollegiami atuartut tamarmik tamatuminnga kalerrisaarneqassapput, aamma qulakkeerneqassaaq kikkut tamarmik illumit anisimanissaat. Ikuallattoqarneranut kalerrisaarut aallartiguk! Tamatuma kingornatigut 112-imut qatserisartunut sianertoqassaaq, aamma pigaartuusartut sulliviat ingerlaannartumik attaveqarfigineqassalluni.
Pigaartuusartut sulliviat attaveqarfigisartagarput tassaavoq MATU security. Taakku rektori saaffigissavaat. Ikuallanneq annertunngippat ikuallannermut qatserutitut atortoq kollegiamiittoq/torsuusaniittoq (gangini) atorlugu qatserisoqassaaq. Ikuallattoqarneranut iliuuserisassamut ilitsersuut pinngitsoorani atuarneqassaaq, taanna illuni/immikkoortortaqarfinni ataasiakkaani takussaavoq.
Eqqaamajuk qatserutit pulverertallit taamaallaat ikuallattumut atorneqassammata, pinnguarnermuunngitsoq. Pinngitsoornata atorneqarsinnaanerat isumannaartussaavarput.
Ikuallattoqartillugu qimarngutitsinissamut sungiusarnerit ikinnerpaamik ukiumut ataasiarluni ingerlanneqartarput. Atuarfiup pedelia qaammammut ataasiarluni ikuallattoqarneranut kalerrisaarutit tamaasa misissortarpai, aamma ininiittut. Inerteqqutaavoq illuni assigiinngitsuni kogepladit matoorneqartarnissaat.
Ikuallattoqarnerani kalerrisaarut
kuallattoqarnerani kalerrisaarutit atuarfiup isumannaatsuutinnissaanut pingaarluinnartut ilagaat. Taamaattumik arlaatigulluunniit attorneqanngisaannassapput. Ikuallattoqarnerani kalerrisaarutip atorneqarnissaa ajornakusoorpat (soorlu assersuutigalugu qallerneqarsimappat) atuartoq tamatuminnga akisussaaasuusoq kollegiami atorfilinnit aamma rektorimit oqaloqatiginiarneqassaaq. Atuarfiup kollegiaanit ingerlaannartumik atuutilersumik anisitaasoqarsinnaavoq. Atuartoq pineqartoq akisussaavoq nammineq inimini qanoq pisoqarneranut.
Ikuallattoqarnermi kalerrisaarut nillialissagaluarpat qatserisartullu takkullutik paasigunikku kalerrisaarut passunneqarsimasoq, taava atuartoq tamatuminnga akisussaasuusoq tamatumunnga atuarfiup aningaasartuutaanik akiliisussanngortinneqassaaq (massakkut 10.000 kr.-it miss.)?
kuallattoqarnissaanut isumannaatsuunissamut, TORSUUSANI PISATAQASSANNGILAQ, SOORLU MAKKUNINNGA: KAMIPPANNIK, ATISANUT NIVINNGAAVINNIK, NUTSERNERMUT KARSINIK IL.IL.
Naneruutit ikuallaatoortitsisinnaasut
Ikuallattoortitsisinnaasut: Ikuallattoortoqarnissaa pissutigalugu inini imaluunniit inini ataatsimoortarfinni naneruuteqartoqassanngilaq. Aamma errortanut panersiiviit, pequtit, kamippaat allallu torsuusamiissanngillat.
E-cigarettit imaluunniit cigarettit nalinginnaasut
Inerteqqutaavoq E-cigarettinik imaluunniit cigarettinik nalinginnaasunik illup iluani, atuarfimmi imaluunniit kollegiani pujortartarnissaq. Ikuallannermi kalerrisaarut atuartup e-cigarettinik pujortarneranit aallartippat atuartup qatserisartut takkunnerannut aningaasartuutit akilissavai.
Taarsiissuteqarnissamut akisussaasuuneq
Naatsorsuutigineqarpoq atuarfiup atortui peqqissaarunneqarnissaat mianerineqarnissaallu. Atornerluisoqarsimappat, aserorterisoqarpat, aseruisoqarpat il.il. akisussaasuusoq taarsiissuteqarnissamut piumasaqarfigineqassaaq. Kollegiani najugaqartut pulaartimik aserugaannut akisussaatinneqassapput.
Facebookimi gruppeqarpoq ”Det Røde kollegie” (Kollegia Aappaluttoq). Aamma atuarfiup avataaniittumut kollegiamut. Eqqaamallugu inuit kikkut tamarmik takusinnaasaanni pitsaasumik ileqqoqarnissaq. Gruppi kollegiami atorfilinnit aallartinneqassaaq atorneqassallunilu illumi maani pilertortumik attaveqartarnissamut.
Feeriarnermut pilersaarut
Atuarfik ukiut tamaasa ukiumut pilersaarusiortarpoq ukiup qanoq ilineratigut feeriartoqarnissaanik nalunaarsuisumik.
Kollegiat aasaanera feeriarneq naallugu matoqqasarput
Taamaattumik feeriarnermi kollegianiittoqarsinnaanngilaq. Aasaanerani feerialinnginnermi inigisami pisatat poortorneqassapput eqqiaasoqarlunilu. (Imaassinnaavoq naliliisoqartoq inip qalipannissaa pisariaqarluni) Aasaanerani feeriartinnak imaassinnaavoq nalunaarfigineqartutit ukiumi atuarfiusumi tulliuttumi allamut inimut nuussasutit. Tamanna Kollegiamut Aappaluttumut aamma kollegiamut avataaniittumut atuuppoq.
Atuanngitsoorneq
Atuarfimmi akuerinngilluinnarparput atuanngitsoortarneq. Napparsimanngikkuit aamma/imaluunniit nakorsianngikkuit, taava atuassaatit. Atuanngitsoornermut atatillugu immikkut pisoqartillugu atuarfiup angajoqqaat attaveqarfigissavai. Angajoqqaat aammattaaq saaffigineqarsinnaapput aarlerinartumik pissuseqartoqarpat. Tamanna pissaaq atuartup isumasioqatigereerneratigut. Atuanngitsoortoqarnermi iliuuserisassatut pilersaarutit pillugit atuarfiup coachianik oqaloqatiginnittassaatit.
Nutserneq
Kollegiamit nutsernermi ini sulisunit tamatigut misissorneqassaaq atuartoq peqatigalugu. Arlaannik amigaateqarpat imaluunniit aserorsimasoqarpat tamanna nalunaarneqassaaq, atuartullu amigaataasut atsiorlugit uppernarsassallugu. Nutsernermi atuartup pisatani namminerminut tunngasut tamaasa piissavai (eqqaamallugu aammattaaq sikaaviit aamma nillataartitsiviup inimi ataatsimoortarfimmiittup imaarnissaat). Pisatat qimatat iginneqassapput.
Ineeraq eqqiarneqarsimanngippat, imaluunniit atuartoq atortut ilaannik aseruisimappat, imaluunniit arlaannik inimi ajortunngortitsisimappat, tamanna nalinginnaasumik nungullarnermit pinngippat, atuartup nammineq aningaasartuuteqarfigissavai.
Imm. 2. Ilinniakkamik, ilinniarfimmiinnermik, sungiusaammik suliffeqarnermik naammassisaqarnermi, ilinniarfimmi ilinniakkamik taamaatitsinermi ilinniartut ineqarfianni najugaqartoq nooreersimassaaq ulluinnaat 10-t qaangiutinnginnerini, ilinniakkap, sungiusaammik suliffeqarnerup imaluunniit uninnerani imaluunniit taamaatinnerani, taamaattoq tak. imm. 3.
Sunngiffimmi sammisassat
Nalinginnaasumik kajumissaarutigisarparput atuartut sunngiffimminni sammisaqartarnissaat. Pitsaasuuvoq timersornermik imaluunniit allanik periarfissanik ingerlataqartarneq. Eqqaamallugu kollegiami atorfilinnut suut tamarmik nalunaarutigineqartassammata, taamaalilluni tamakku sapaatit akunneranni pisussaaffiit pillugit pilersaarutinut ilanngunneqarniassammata.
Akiliunneqarluni angalaneq
USF-ip ukiumoortumik ataasiarluni angerlamut angalaneq akilissavaa. Siunertaavoq angalanerup tamatuma ingammik aasaanerani feeriarnermi atorneqarnissaa, tamatumani kollegia matusarmat (tak. aasaanerani matoqqaneq).
mmikkut pisoqartillugu ukiumoortumik akiliunneqarluni angalaneq piffissami allami atorneqarsinnaavoq. Tamatuma kinguneranik aasaanerani feeriarnerminut atatillugu angalanissani atuartup nammineq akilissavaa. Tamanna rektorimik isumaqatigiissutigineqassaaq. Atuarfiup allaffiani tamanna qinnutigineqassaaq. Akiliunneqarluni angalaneq aatsaat atuutilissaaq 1.G.-mi atualernermit qaammatit qulingiluat qaangiunneranni.
Ataatsimoorussatut ingerlatat aamma aaqqissuussinerit
Ataatsimoortumik ingerlatassat neqeroorutigineqassapput kollegiami atorfillit peqatigalugit. Ingerlatassat soorlu assersuutigalugu makkuusinnaapput:
- Minihalimi fitnessernissamut sungiusarneq, sulisumik nakkutiginnittoqassaaq
peqataasoqassallunilu - Ataatsimoorluni grillerneq
- Filmeriarneq (nammineq akiliuteqartoqalaassaaq)
- Unnukkut ataatsimuualaarnerit
- Qaqqamut pisuttuarnerit
- Aamma allarpassuit – siunnersuuteqartoqassappat qujarutissavagut.
Pulaartut
Kollegiami najugaqartut ataasiakkaat akisussaaffigaat atuarfiup malittarisassai pulaartunit eqquutsinneqarnissaat. Immikkut isumaqatigiissuteqartoqartinnagu ulluinnarni pulaartoqartassanngilaq. Pulaartunik unnuisoqassappat tamarmik kol- legiami atorfilimmut qinnuteqaqqaarluni pisassapput.
Hash aamma aanngajaarniutit allat
Suugaluartunilluunniit aanngajaarniutinik peqarneq imaluunniit atuineq ingerlaannartumik atuuttumik anisitaanermik kinguneqarsinnaavoq. Kollegiami najugaqartup akisussaaffigissavaa inimini qanoq pisoqarnera. Atuartup hashitorsimaneranik, imaluunniit allanik aanngajaarniutinik atugaqarsimaneranik atuarfik pasitsaassaqarpat, atuartoq nakorsamit misissortinnissaanut peqqusinnaavaat. Atuartup tamanna itigartitsissutigippagu, tamanna atuarfiup tamatuminnga maleruaqqusaanik unioqqutitsinermut nassuernertut isigineqassaaq, atuartorlu ingerlaannartumik atuuttumik anisinneqassalluni. Atuarfik atornerluinermut katsorsartarfimmut Allorfimmut atuartup attaveqarnissaanut attaveqaataasinnaavoq.
Angerlarsimaffimmi uumasuutit
Uumasuuteqartoqassanngilaq.
Inimut akiliut
Inimut akiliut automatiskiusumik pisarpoq. Akiliut illit SU-nnit ilanngaatigineqassaaq SU-p ilinnut tunniunneqannginnerani. Kollegia Aappaluttumi aamma atuarfiup avataaniittumi kollegiami najugaqarneq qaammammut 850 kr.-inik akeqarpoq. §16 (Kollegiami ineqartup inimut akiliut akilissavaa qaammammik ataatsimik sioqqutsilluni piffissami tassani ineqarnermut isumaqatigiissummi allassimasoq malillugu, tak. imm. 4)
Inimut akiliutip tunniunneqarnera
§36. imm. 2 malillugu inimut akiliutip sinnera tunniunneqassaaq kollegiamit aninermi. Inimut akiliutip affaa tunniutissavarput kollegiami ini/inigisaq nutaamik attortortumik iserterfigineqarsimappat. Tassa imaappoq qaammammi qaammatip ulluini 1-niit 14-ata tungaanut inimit anisimaguit kollegiamilu ini/inigisaq nutaamik tamatuma nalaani iserterfigineqarluni, taava illit inimut akiliutivit affaa ilinnut utertissavarput.
Iserterneq
Iserternermi ini atuartumit aamma sulisunit ajoquteqarneranik misissorneqassaaq, pisattanullu allattorsimaffik atsiorneqassalluni.
Kollegiami najugaqartoq qaammatip ulluisa 15-iata kingornatigut isertersimappat inimut akiliutip affaa akilerneqassaaq.
Inimi pequtit
Inimi pisatat ininut allanut nuunneqassanngillat kollegiami sulisumit tamanna isumaqatigiissutigisimatinnagu. Atuarfiup ataatsimoortarfiini pisatat nuunneqassanngillat, aamma siumut isumaqatigiissutigineqarsimatinnagu pequttat nuunneqassanngillat.
Kollegiami isumaqatigiissut atsiugaq (inimut akiliuteqartarnermut isumaqatigiissut)
Iserternermi kollegiami ineqarnissamut isumaqatigiissut atsiussavat. (Kollegiamik isumaqatigiissutit assigiinngitsut atsiugassat marluupput). Tassani atsiussavatit isumaqatigiissutit, kollegiami atorfilimmut isumaqatigiissutaasut.
Kollegiami atorfillit Kollegia Aappaluttumiipput
Ajornakusoornarsinnaavoq angerlarsimaffimmit nuulluni kollegiami najugaqalerneq. Misigiguit ajornartorsiorlutit, taava kollegiami atorfillit nangaassuteqarnak attaveqarfigisinnaavatit. Periarfissaqartuaannarpoq kollegiami atorfilittatta arlaat oqaloqatiginissaat ajornartorsiutit annikitsut annertuulluunnit pillugit, taakkulu nipangiussisussaatitaapput.
Pinaveersaartitsilluni ilorrisimaarnissamik suliaqarneq
Pinaveersaartitsinermik suliaqarnermut atatillugu atuartup sapinngisamik ilorrisimaarnissaa qulakkeerniarlugu kollegiami atorfillit akuttunngitsumik atuartut kollegiami najugaqartut ilorrisimaarnissaat pillugu atuartunik oqaloqateqartarput. Atuartoq aarlerinartumik atuanngitsoortarsimappat atuartoq peqatigalugu iliuuseqarnissamut pilersaarusiortoqassaaq, tassani atuartoq aamma taassuma attaveqaataa anguniakkat taakkulu ilaat pillugit suliaqassallutik kissaatigineqartutut allanngortitsineq anguniarlugu. Atuartoq piumaguni tamatigut allaffimmi oqaloqatiginninnissaanut tikilluaqqusaajuaannarpoq, atorfillillu tamanna ajornanngippat tamatigut naapitassaajuaannarput imaluunniit mobilikkut attaveqarfigineqarsinnaasarlutik, tapersersorneqarnissamik tassanngaannartumik pisariaqartitsisoqalerpat.
Pisussaaffiit
Kikkut tamarmik pisussaffigaat torsuusani qange-ni/immikkoortortaqarfinni igaffiit torersuunissaat, torersarsimanissaat eqqiluitsuutinnissaallu. Kollegiani tamani atuartumut ataatsimut skemaliortoqartarpoq malinneqartussamik, torsuusanilu tamani akisussaasoqarpoq (toqqakkamik), suliassat suliarineqarsimanissaannik nakkutilliisumik.
Kollegiami atuartut tamarmik ataasiakkaanik suliassaqartarput, nammineq torsuusarisami imaluunniit inini ataatsimoortarfinni. Suliassat kollegiani sulisunit allattorneqartarput, kisianni allannguisoqarnissaa atuartup nammineq kissaatigisinnaavaa. Suliassat paarlakaallugit suliarineqartarput, atuartullu kissaatigisaa sapinngisamik akuerineqartarluni.
Pisussaaffiit torersumik piffissarlu eqqorlugu suliarineqartassapput. Suliassap nammineerluni suliarinissaa ajornakusoortinneqarpat, taava sulisut attavigineqassapput aamma/imaluunnit torsuusami ineqartunik allanik paarlaanniartoqarsinnaalluni. Torsuusat tamarmik namminneq Facebookimi gruppeqarput, tassanilu nalunaarutigineqassaaq suliassap suliarinissaa ajornartinneqalerpat.
Kollegiami najugaqarnissami piumasaqaataavoq isumaqatigiissutinik eqquutsitsisarnissaq. Kollegiami suliassat suliarisanngikkaanni tamannalu nalunaarutiginagu, taava avoqqaarineqarnissamik tamanna kinguneqassaaq. Pingasoriarluni avaqqaarineqaraanni, tamanna kollegiap allaffiani oqaloqatigineqarnermik kinguneqassaaq, tassani eqqartorneqassalluni kollegiami najugaqarnissamut pineqartoq suli naleqquttuunersoq.
Ilinniagassanik atuakkerinissamut piffissaq aamma immikkoortortaqarfinni eqqissisimanissaq
Pingaartuuvoq immikkoortortaqarfinni atuartut atuartunit allanit imaluunniit pulaartiminnit akornusersorneqartannginnissaat. Atuarfimmi lektiecafémi peqataanissamut periarfissaqarpoq. Tamatumunnga piffissaq assigiinngitsuusinnaasarpoq, taamaattumik atuarfimmi allaffimmi tamanna paasiniaruk. Imaluunniit Lectio takuuk.
Kollegiani ulluinnarni nal. 22 aamma sapaatit akunnerisa naaneranni nal. 23 EQQISSISIMASOQASSAAQ
MATU Security
Sapaatit akunnerisa naaneranni aamma unnuakkut atorfillit kollegianiinneq ajorput. Arlaannik pisoqassagaluarpat pigaartuusartutut sullissisorput MATU atuartut attaveqarfigissavaat.
MATU attaveqarfigineqarsinnaavoq nipiliortoqarpat imaluunnit qaaqqusaanngitsunik isertoqarpat, imaluunnit arlaannik eqqissiviilliortoqarpat. Taava pigaartut takkutissapput.
Kollegiami allaffiup nalinginnaasumik ammasarfiata avataani imminut parnaarussimagaanni isernerlu ajulerluni, imaluunnit matuersaat katassimagaanni aammattaaq MATU sianerfigineqarsinnaavoq. Maluginiassavat illit matuersaatit katassimagukku taava ammaanneqarninnut 300 kr.-inik akiliuteqassagavit.
Nakorsaatit
Atuartut arlaat nakorsamit innersuussutigineqartunik nakorsaatinik pisariaqartitsippat akisussaasuulluni kollegiami atorfilik tamanna pillugu ilisimatinneqassaaq, taamaaliornikkut nakorsaat isumannaatsumik toqqorneqarniassammat. Tamanna kollegiami atorfilimmut isumaqatigiissutigineqassaaq. Tamanna kollegiami atorfilimmut isumaqatigiissutigineqassaaq. Arlaat peruluutaasinnaasumik aamma/imaluunniit anigorsinnaanngisamik nappaateqarpat atuarfik tamatuminnga ilisimatinneqassaaq.
Nipilersuutit
Inerteqqutaanngilaq inini nipilersuuteqartoqarnissaa, kisianni nipilersortarnerit tamatigut pisassapput atuartut allat aamma sanilerisat mianerinissaat eqqarsaatigalugit. Inini tama- ni ulluinnarni nal. 22.00 eqqissisimasoqassaaq sapaatit akunnerisalu naaneranni nal. 23.00
Matuersaatit
Atuarfiup ammasarfiini matuersaataarsersimagaanni tamanna allaffimmut inger- laannartumik nalunaarutigineqassaaq. Atuartup matuersaat (nøglebrik) taarsissa- vaa, taanna 200 koruuninik akeqarpoq. Allaffiup matoqqanerani matuersaataarse- raanni 300 koruuninik akeqarpoq. (takuuk MATU). Tamatuma kingornatigut akiligassamik tunineqassaatit
Kollegiami inuunermi pissuserissaarnissamut malittarisassat
Kikkut tamarmik Kollegianut Maleruaqqusaq, GUX-Nuummi ABC, kollegiamut iserternerminni pissarsiarissavaat. Kikkut tamarmik maleruaqqusat misissussavaat, aamma tamarmik atsiussavaat taakku atuarsimallugit paasisimallugillu. Maleruaqqusat malinngikkaanni ajornerpaamik ingerlaannartumik atuutilersumik anisitsisoqassaaq.
Allakkat
Ataasinngornerit aamma sisamanngornerit tamaasa Kollegiami Aappaluttumi allaffimmi allakkat aaneqarsinnaapput.
Napparsimaneq aamma angalaneq
Napparsimanermi aamma angalanerni kollegiami atorfillit nalunaarfigineqassapput. Isumassarsiatsialaavortaaq Lectiomi tamatuma aamma allannissaa. Sivisuumik napparsimasoqartillugu atuarfik ilisimatinneqassaaq, aamma aalajangiisoqassalluni napparsimanerup nalaani atuarnerup qanoq nakkutigineqarsinnaanera. Eqqaamallugu atuanngitsoornissinnut pissutaasut Lectiomi allattarnissaat.
Telefon
Eqqaamallugu allaffimmut aamma kollegiami atorfilinnut nalunaarutigissagakku allamik telefon normutaarnerit
Errorsineq
Kollegiami Aappaluttumi errorsisarfeqarpoq. Kikkut tamarmik taanna atorsinnaavaat. Naatsorsuutigineqarpoq atuartut tamarmik errortassaasiveqarnissaat, taamaaliornikkut atisat errortassat natermiiginnassanngimmata. Feeriarnerit tamaasa errorsisarfik atisanik qimatanik piiaasoqartarpoq. KOLLEGIAMI ATISAT ERRORTAT TORSUUSANI PANERSERNEQARTASSANNGILLAT, ERRORSISARFIMMI PANERSIIVIK ATORNEQARTASSAAQ IMALUUNNIIT SILAMI PANERSIIVIIT.
Kollegiami avataaniittumi errorsiveqarlunilu panersiiveqarpoq.
Video atorlugu nakkutilliineq
Atuarfimmi aamma Kollegiami Aappaluttumi igaffinni aamma errorsisarfimmi video atorlugu nakkutilliisoqarpoq. Rektorip kisimi video takusinnaasarpaa
Ininik nakkutilliineq
Atuarfik imminut pisussaatippoq atuartut inaannik nakkutilliisarnissamut, soorlu assersuutigalugu iluarsaassisoqartannginneranut eqqiaasoqartannginneranullu atatillugu, imaluunniit hash allallu aanngajaarniutit pillugit maleruaqqusanik unioqqutitsisoqarneranut pasitsaassaqarnermi.
Neriuppugut pitsaanerpaamik tamaani najugaqassasutit kiisalu GUX-Nuummiinnerit nuannersumik misigisaqarfigissagit.