Nutaanik pilersitsisinnaanermik sammiveqarluni ilinniarneq (N)

GUX-Nuuk ilinniakkat sammivii tamarmik

Ilinniakkat sammivii tamakkerlutik assigiinngitsunik fageqarpoq assigiinngitsunillunillu ilinniakkat qaffasissuseqarlutik (A, B aamma C)

A-mi qaffasissusillik fagit uku tigussavatit:

  • Kalaallisut/GSK
  • Qallunaatut
  • Oqaluttuarisaaneq

B-mi qaffasissusilimmi tuluttut fagi tigussavat.

C-mi qaffasissulillik fagit uku tigussavatit

  • Kulturfagi
  • Idræti
  • Matematikki
  • Inuiaqatigiilerineq

Taamaammat ilinniarfiusup sammivii tamakkerlutik ingerlaqqissinnaanermut ammaassisuusarput Kalaallit Nunaanni Danmarkimilu

Nutaanik pilersitsisinnaanermik sammiveqarluni ilinniarneq (ukiunik 3-nik sivisussuseqartoq)

Ilinniakkap normua 110042

Ilinnut nutaanik pilersitsisinnaanermut piginnaaneqarninnik ineriartortitserusuttumut. Illit attaveqaqatigiinneq nuannarisaraat aamma nipilersornikkut assitalersuinikkullu paasititserusunnermik nuannarisaqartuuvutit, kiisalu allat kulturiinik aamma paasisitseriaasiini ilisimasaqarnerulernissannut alapernaatsuuvutit. Periarfissaqassaatit fagini nutaanik pilersitsisinnaanermi tunngasuni teoretiskiusumik aamma piviusumik suliaqarnissamut, aamma periarfissaqassaatit illit nammineq suliniutitut isumassarsiavit isumassarsiamiit naammassinissaata tungaannut suliaqartarnissamut, soorlu assersuutigalugu tusarnaartitsinerit imaluunniit eqqumiitsulianik takutitsinerit. Ilinniakkap sammiviani nammineq kisimiilluni imaluunniit allat peqatigalugit eqqumiitsuliortutut paasititserusussuseqarnissaq piumasaqaataavoq. Ilinniakkap sammiviata fagit ilisarnaatigaa nipilersorneq aamma assilialiorluni eqqumiitsuliorneq B-mi killiffimmiittoq, aamma periarfissaqarpoq arlalinnik faginik nammineq toqqaalluni ingerlataqarnissamut.

Ilinniakkap sammivia tunngavissaqartitsilissaaq nipilersornermik – nutaanik pilersitsisinnaanermik
ilinniarnissamik ingerlaqqinnissamut, soorlu aamma Kalaallit Nunaanni aamma Danmarkimi
ilinniarnernut ingerlaqqiffiusunut arlalinnut periarfissiisoq.

Ilinniarnerup ingerlanneqarneranut aamma sammisanut assersuutit:

  • Inuusuttut kulturii/inuit ikinnerusut kulturii nipilersornermi, filmini aamma assilialiorluni
    eqqumiitsuliornermi.
  • Qalipakkanik assilialiortaaseq aamma kalaallit eqqumiitsuliaat.
  • Gospel, Reggae aamma Rock – nipilersornermi sammiviit assigiinngitsut pillugit assersuutit.
  • Nipilersukkat klassiskit.
  • Filminut nipilersuusioriaaseq immikkut suleriaaseq.
  • Piviusumik misilittagaqarneq eqqumiitsuliornermi saqqummiussisarnermi periarfissat
    assigiinngitsut amerlasuut.
  • Europamiut aamma kalaallit eqqumiitsuliaat.