GUX-Nuuk ilinniakkat sammivii tamarmik
Ilinniakkat sammivii tamakkerlutik assigiinngitsunik fageqarpoq assigiinngitsunillunillu ilinniakkat qaffasissuseqarlutik (A, B aamma C)
A-mi qaffasissusillik fagit uku tigussavatit:
- Kalaallisut/GSK
- Qallunaatut
- Oqaluttuarisaaneq
B-mi qaffasissusilimmi tuluttut fagi tigussavat.
C-mi qaffasissulillik fagit uku tigussavatit
- Kulturfagi
- Idræti
- Matematikki
- Inuiaqatigiilerineq
Taamaammat ilinniarfiusup sammivii tamakkerlutik ingerlaqqissinnaanermut ammaassisuusarput Kalaallit Nunaanni Danmarkimilu
Peqqinnissamik sammiveqarluni ilinniarneq (ukiunik 3-nik sivisussuseqartoq)
Ilinniakkap normua 110081
Ilinnut timimik, peqqinnissamik aamma avatangiisinik soqutiginnittumut. Illit nuannaraat laboratoriami misissuinermik suliaqarneq, aamma inuunerup qanoq ittuuneranik misissuineq avatangiisinillu tamatuma qanoq sunnertittarneranik. Periarfissaqarputit biologimut tunngatillugu pinngortitamik ilisimatusarnermut atatillugu najuullutit suliaqarnissat aamma piviusumik teoritiskiusumillu sammivilerlugu timimik paasinninnissamik suliaqarnermik. Biologi A-mi killiffimmik, matematikimik B-mi killiffimmik aamma kemi C-mi killiffimmik ingerlataqassaatit. Periarfissaqarpoq kemi B-mi killiffimmi fagitut toqqakkatut qaffannissamut.
Ilinniakkap sammivia periarfissiivoq Kalaallit Nunaanni peqqinnissaqarfimmi aamma avatangiisit pillugit suliaqarfimmi ilinniakkanut ingerlaqqiffiusunut, aammattaaq Danmarkimi ingerlaqqiffiusunut ilinniakkanut arlalinnut periarfissiilluni.
Ilinniarnerup ingerlanneqarneranut aamma sammisanut assersuutit:
- Peqqinnissaq aamma peqqilluni inuuneqarneq suuppat?
- Timigissartarneq qanoq sunniuteqartarpa?
- Aanngajaarniutit atugarigaanni inuup timaanut tamakku qanoq sunniuteqartarpat?
- Sooq inuit amerliartuinnartut inooriaatsip kingunerisaanik nappaateqalersarpat, soorlu
sukkornermik Type II-mik?