GUX-Nuuk ilinniakkat sammivii tamarmik
Ilinniakkat sammivii tamakkerlutik assigiinngitsunik fageqarpoq assigiinngitsunillunillu ilinniakkat qaffasissuseqarlutik (A, B aamma C)
A-mi qaffasissusillik fagit uku tigussavatit:
- Kalaallisut/GSK
- Qallunaatut
- Oqaluttuarisaaneq
B-mi qaffasissusilimmi tuluttut fagi tigussavat.
C-mi qaffasissulillik fagit uku tigussavatit
- Kulturfagi
- Idræti
- Matematikki
- Inuiaqatigiilerineq
Taamaammat ilinniarfiusup sammivii tamakkerlutik ingerlaqqissinnaanermut ammaassisuusarput Kalaallit Nunaanni Danmarkimilu
Oqaasilerinermik aamma kulturimik – Oqaasilerinermik/humanismimut sammiveqarluni ilinniarneq (ukiunik 3-nik sivisussuseqartoq)
Ilinniarnerup normua 110072
Ilinnut attaveqaqatigiinnermik, inunnik, kulturimik aamma inuiaqatigiinnik soqutigisaqartuusumut. Oqaatsinik ilikkagaqarneq nuannarisarivat aamma kulturit allat ilisimasaqarfiginerulernissaannik alapernaatsuullutit. Periarfissaqassaatit oqaatsitigut pikkoriffivit sungiusarnissaannut ineriartortinnissaannullu, aamma illit tuluit kulturiannut, inuunerannut, atuagaateqarnerannut, nipilersugaateqarnerannut aamma inuiaqatigiinni atugarisaannut ilisimasavit annertusinissaannut. Ilinniakkap sammiviata pisariaqartippai attaveqaqatigiinnissamik atuartarnissamillu kajumissuseqarluarneq.
Tuluit oqaasiini A-mi killiffik ingerlatissavat aamma kulturimut tunngasoq fagi B-mi killiffik, aamma tuluit oqaasii pillugit oqaatsitigut killiffiup qaffasissup saniatigut nunarsuarmi nutaaliaasumi kulturikkut naapeqatigiinnerini qanoq iliuuseqarnissannut pitsaasumik tunngavissinneqassaatit. Ilinniakkap sammivia Kalaallit Nunaanni aamma Danmarkimi ilinniakkanut ingerlaqqiffiusunut humanismimut aamma inuiaqatigiilerilluni ilisimatusarnernut arlalinnut periarfissiivoq.
Ilinniarnerup ingerlanneqarneranut aamma sammisanut assersuutit:
- Amerikamiut takorluugaat atuakkiani, filmini aamma eqqumiitsuliornermi.
- London – kulturit naapeqatigiinnerat aamma kulturi pillugu aaqqiagiinngittarneq.
- Oqaatsit, atuagaateqarneq aamma ilisarnaatit oqaluttuarisaanermi aamma nutaaliaasumik
isiginnittariaaseqarnermi. - Amerikami Kujallermi atuagaateqarnermi piviusorsiorneq tupinnartoq.
- Multicultural Britain: Kinaassuseq, kulturit naapinnerat aamma inuiaqatigiinnut
ilanngutsitaaneq. - Going Global – nunarsuarmi tuluttut oqaasilinni oqaatsit, atuagaateqarneq aamma
ilisarnaatit. - Attaveqaqatigiinnermi ilutsit aamma nunarsuaq tamakkerlugu kulturini kinaassutsit.
- Kulturimik isiginnittariaatsit aamma attaveqaqatigiinnermi ilutsit.