GUX-Nuuk ilinniakkat sammivii tamarmik
Ilinniakkat sammivii tamakkerlutik assigiinngitsunik fageqarpoq assigiinngitsunillunillu ilinniakkat qaffasissuseqarlutik (A, B aamma C)
A-mi qaffasissusillik fagit uku tigussavatit:
- Kalaallisut/GSK
- Qallunaatut
- Oqaluttuarisaaneq
B-mi qaffasissusilimmi tuluttut fagi tigussavat.
C-mi qaffasissulillik fagit uku tigussavatit
- Kulturfagi
- Idræti
- Matematikki
- Inuiaqatigiilerineq
Taamaammat ilinniarfiusup sammivii tamakkerlutik ingerlaqqissinnaanermut ammaassisuusarput Kalaallit Nunaanni Danmarkimilu
Pinngortitamik sammiveqarluni ilinniarneq (ukiunik 3-nik sivisussuseqartoq)
Ilinniakkap normua 110052
Ilinniarnerup tamatuma sammiviani piumasaqaataavoq matematikimik aamma pinngortitamik ilisimatusarluni ilinniakkamik atituumik soqutigisaqarneq, tassalu ilinnut tulluartuulluni pinngortitami pisunik paasinninnissamut soqutigisaqartumut, aamma ajornartorsiutinik aaqqiinermi ilinnut nuannaalersitsisumik aamma tulluusimaarnartuussalluni. Pinngortitamik ilisimatusarnermik suliaqarnermi periutsinik nuannarisaqartuuvutit, soorlu pisoq pillugu najuulluni sulinermik, laboratoriami sulinermik, kisitsisinik (data) suliaqarnermik aamma nalunaarusiornermik.
Illit matematikimi A-mi killiffimmik, fysikimi C-mi killiffimmik aamma kemi biologilu C-mi killiffimmik ingerlataqassaatit, kisianni periarfissaqarlutit fagitut nammineq toqqagassatut killiffimmik qaffasinnerusumik toqqaanissannut. Ilinniarnermi sammivik tamanna Kalaallit Nunaanni aamma Danmarkimi ingerlaqqiffiusumik ilinniakkanut amerlasuunut periarfissiipput. Ilinniartitsinermik sammivik tamanna illit toqqassavat nakorsanngorniaruit imaluunniit ingeniørinngorniaruit.
Ilinniarnerup ingerlanneqarneranut aamma sammisanut assersuutit:
- Imermik nukissiorfeqarneq aamma innaallagissamik nioqqutissiorneq.
- Silaannarsualiartitsilluni angalanerit.
- Qinngornerit ulorianartut (radioaktivitet) peqqinnissaqarfimmi atorneqartartut.
- Peqqinnissaq aamma inooriaaseq.
- Avatangiisit aamma pinngortitamik illersuiniarneq.
- Ikummatissat.