Kalaallisut nutserneqarnissaa utaqqivarput
Nutaanik pilersitsisinnaanermik sammiveqarluni ilinniarneq
Sammivik taanna pilersitsisinnaanerminik inerisaanissaminik soqutiginnittumut piukkunaartuuvoq. Attaveqatigiinneq aammalu assitigut, nipilersornikkut, titartaanikkut, isiginnaagassiornikkut imaluunniit tusagassiorneq aqqutigalugit oqariartornissat nuannaraat kulturillu allat annertunerusumik ilisimasaqarfigilernissaat soqutigalugu. Ilinniartitsissutini nutaanik pilersitsiffiusinnaasuni atuakkersornikkut misileraanikkullu ilinniassaatit, periarfissaqassallutit isumassarsinermiit suliap piviusunngortinnissaannut sulinissamut,soorlu filmiliornermik, isiginnaartitsissusiornermik, tusarnaartitsinermik imaluunniit eqqumiitsulianik saqqummersitsinermik suliaqarnissamut. Ilinniakkap sammivia taanna attaveqaqatigiinnermut oqariartuuteqarnissamillu kajumissuseqarnissamik piumasaqaateqarpoq.
Ilinniakkap sammivia attaveqaqatigiinnermut tunngasunik, paasissutissiinermut tunngasunik, aamma nipilersornermi nutaaliorluni pilersitsisinnaanermut tunngasunik ilinniaqqinnissamut tunngaviusinnaavoq, soorluttaaq aamma Kalaallit Nunaanni Danmarkimilu ingerlaqqilluni ilinniarnissamut isissutaasinnaalluni.
Ilinniarnerup ingerlaneranut sammisanullu assersuutit:
- Nipilersornermi, filmiliornermi aamma assilialiorluni eqqumiitsuliornermi inuusuttut piorsarsimassusaat.
- Ekspressionismi kalaallillu eqqumiitsuliaat.
- Aallakaatitassiat Realityjusut.
- Gospel, Reggae, Grunge aamma Emo – nipilersornerup silarsuaani sammivinnut assersuutit.
- Filmini nipilersuutit.
