Inuiaqatigiilerinermik sammiveqarluni ilinniarneq

Ilinniakkap sammivia taanna Kalaallit Nunaanni pissutsinik nunarsuarmioqatigiinnermillu pissutsinik soqutigisaqartumut, kingusinnerusukkut inuiaqatigiilerinermik inunnulluunniit tunngassutilinnik ilisimatusarnernut (humaniora) ilinniaqqinniartumut naleqquttuuvoq.

Ullutsinni pissutsit sociologimik tunngaveqartumik politikkimik tunngaveqartumik, aningaasarsiornermut tunngasutigut, nukissiuuteqarnerup avatangiisitigullu inissisimanerup tungaatigut misissussallugit periarfissaqassaatit.

Ilinniakkap sammiviani tassani ilinniarniaraanni inuiaqatigiit ineriartornerannik, aningaasaqarnermik, politikkimik aamma oqaluttuarisaanermik soqutigisaqarnissaq piumasaqaataavoq. Ilinniakkap sammivia taanna Kalaallit Nunaanni Danmarkimilu ingerlaqqilluni ilinniarnernut arlalinnut isissutaasinnaavoq.

Ilinniarnerup ingerlaneranut sammisanullu assersuutit:

  • Inuiaqatigiilerinermik sammivilimmik Kalaallit Nunataata iluani aatsitassanik atuinerup misissornera.
  • Inuiaqatigiinneq naapertuilluartoq politikkikkut qanoq takorloorneqarpa?
  • Inuit amerlavallaalerneri nunarsuullu silaannaata allanngoriartornera
  • Kalaallit Nunaanni nunarsuullu sinnerani politikikkut pissaaneqarneq
  • Aningaasarsiornikkut inuttullu atukkatigut naligiinnginnerit
  • Ullutsinni oqaluttuarisaanermilu inuiaqatigiit aaqqissuussaanerat