Pinngortitalerinermik sammiveqarluni ilinniarneq

Ilinniakkap sammivia taanna pinngortitami pisunik paasinninnissamik soqutigisaqartumut naleqquttuuvoq. Laboratoriami pinngortitamilu misileraanermik qimerluuinermillu nuannarisaqarputit. Pinngortitalerinermut tunngatillugu matematikki atorlugu misileraallutit suliaqarnissamik periarfissaqassaatit, aammalu pinngortitalerinermi periutsit atorlugit suliaqartassallutit soorlu piffiit tikillugit sulineq, laboratoriami sulineq, paasissutissanik suliaqarneq nalunaarusiornerlu misilerassavatit. Sammivimmi tassani ilinniarniaraanni pisariaqarpoq matematekimik pinngortitalerinermillu soqutigisaqarluarnissaq. Matematikki ilinniarnertuunngorniarfimmi qaffasinnerpaaffigisinnaassaanik sakkortussussilik ilinniassavat aammalu kemi, fysik tuluttoornerlu qaffasissutsip tullianik sakkortussusillit ilinniassavatit.Tamatuma saniatigut oqaluttuarisaaneq akunnattumik qaffasissusilik kiisalu inuiaqatigiilerineq, piorsarsimassutsimik sammisaqarneq timersornerlu tunngaviusumik ilisimasassatut qaffaffisissusillit ilinniassavatit. Ilinniartitsissutit allat toqqakkatut ingerlatassat periarfissiissutaapput.

Ilinniakkap sammivia Kalaallit Nunaanni Danmarkimilu ingerlaqqilluni ilinniarnernut arlalinnut isissutaasinnaavoq. Ilinniakkap sammivia taanna toqqassavat kingorna nakorsanngorniarniaruit. Ilinniarnerup ingerlanerani sammisanut assersuutit:

Ilinniarnerup ingerlanerani sammisanut assersuutit:

  • Erngup nukinga aamma innaallagissiorneq
  • Peqqissuseq inooriaaserlu
  • Nukissiuutit ataavartut
  • Avatangiisit aamma pinngortitamik illersuineq
  • Pinngortitami pisuussutit, uulia aatsitassallu