Peqqinnissamut tunngasunik sammiveqarluni ilinniarneq
Ilinniakkap sammivia taanna timimik, peqqissutsimik avatangiisinillu soqutigisaqartumut naleqquppoq. Laboratoriami misissuinerit aammalu pinngortitami uumassusillit qanoq pissuseqarnerannik avatangiisinillu qanoq sunnerneqartarnerannik misissuinissaq nuannaraat. Pinngortitalereriaatsimik tunngaveqartumik uummassusilerinermik misileraanissat periarfissaqarfigissavat, taamatullu timersornermi atuagarsornikkut misileraanikkullu timip pissusaanik paasisaqarnerunissaq siunertaralugu suliaqartassallutit.
Ilinniakkap sammiviani tassani ingerlaniaraanni timersornermik uumassusilerinermillu soqutigisaqarnissaq piumasaqaataavoq.
Ilinniakkap sammivia Kalaallit Nunaanni peqqissaanermik avatangiisinillu sammisaqarfiullutik ingerlaqqilluni ilinniarfinnut isissutaasinnaavoq, soorluttaaq Danmarkimi ingerlaqqilluni ilinniarnernut arlalinnut aamma isissutaasinnaasoq.
Ilinniarnerup ingerlaneranut sammisanullu assersuutit:
- Peqqissuseq peqqissumillu inooriaaseqarneq suuppat?
- Timersorneq qanoq sunniuteqartarpa?
- Aanngajaarniutit inuup timaanut qanoq sunniisarpat?
- Suna pissutigalugu inuit amerliartuinnartut inooriaatsimik tunngaveqartumik soorlu sukkornermik Type II-mik nappaateqalersarpat?
